"你不屬於我了"

我唔想而家甘樣呀

救命啊!
唔想甘樣呀
唔想變返以前甘呀
真係唔想甘樣呀呀呀呀呀

不喜歡

開學以黎...冇咩唔習慣
生活同以前差不多 只係精神比較差
升左中六應該比以前更勤力先係
不過我好似同平時差唔多
都係做完功課就算..
暫時未感受到AL比我既壓力...
chem第一次test唔合格...冇咩感受
bio第一次test差少少唔合格...都冇咩感受..
我係咪太懶= ="

希望我會努力d...第時唔好後悔...

i promise  i will cheer up myself
don't worry about me..:)

把幼稚的思想拋開 會好過一點。

but actually , i am sad

8月31

話甘快就最後一日暑假啦!
回顧下呢個長長假期做過d咩啦..
當初的目標..:::::
- 義工          (不過好似得2-3日)
- 減肥          (完完全全冇囉)
- 學急救      (因為搵工所以冇學\_/)
- 煲劇          (煲左超多...好爽:])
    甘多套...最中意都係敗犬女王  可能因為有好多Fish啦 ^^!
- 學彈琴      ( 都算有既  不過好短時間  咩都冇學識= =)
- 做pt          (有啊有啊  6/7-21/8)

呢個暑假..
都知道左好多社會陰暗面
仲日日好夜訓...又要D時間調較返啦>_<"
開左個銀行戶口  終於... 不過D 錢就快比我使晒啦 =[
成個7-8月唱左5-6次K...呢年唔再唱 \_/""
好深刻印象同HOLEUNG+權去左廟街搵野食
愛上左食廟街既蠔餅..!
仲有發現雪花冰原來只係一般好食!!!
呢個暑假仲同HOLEUNG,雪山去跳舞
蝕左4堂比佢啦!  以為跳舞可以減肥...點知我唔得= =""
甘長既假期..經歷過唔開心...經歷過靈命低朝...
但係最終主都拉返我返去正途 :)

話甘快 聽日開學
一班5A同學都各奔前程..
我都要好好整頓...準備迎接艱辛的預科生活
聽日仲係BB唔係同間學校既第1日
實冇人理我啦!!>口<"
but,,我要學識獨立啊!!!
淚 (T.T)

大家大家...加油啦 唔好比我懶啊!!!
有d 同學係唔同地方repeat...大大支持啊
真係好想同水,肥冲, turtur, 繼江, 惠惠,靜怡, 謝++,momo,bubu子....大嗌一聲
~~~~~加油俾心機~~~~~.\/.

吼!! 好好等待2年後既長長假期!!
到時我要充實D啊!!
朋友們 爆發吧!!!

趙展彤

近日上網成日見到D人係論壇度大罵佢臭串
仲大罵佢父母唔識教女
仲希望巨聲快D OUT左佢
其實我真係唔明點解果班人甘反對呢個細路女
我覺得佢冇咩問題..
與其話佢串  倒不如話佢係細路女唔識世界
諗下自已11歲果陣做緊D咩仲好啦
我覺得在佢11歲黎講  佢已經係一個好成熟既細路女
果D反佢既人  11歲果陣仲係KAI KAI甘唔知做緊咩..
有D可能係屋企打機  有D可能著埋D潮衫扮潮
有D可能係度玩咩江湖...
對比之下 , 我覺得趙展彤叻過果班人好多
講真..佢得果10 o靚歲   緊係唔會識太多處世之道
講真...班反佢既人又了解佢有幾多呢
就係睇完d報導之後就開晒post 話好憎佢
又去人地個blog度炸...甘樣做真係好無聊呀
話人地唔尊重父母
諗下自已可能對父母講過d更過份既說話啦..
講埋d無聊野去唱衰個細路女...有咩用呀..
唔好話我話  反佢既 大部分都係跟風之眾
人話憎  你話憎  呢個唔係一個潮流囉
班人可能係唔抵得人地細細個叻..係度嘈住晒..
成日話佢人格差 冇星途...
班人甘樣攻擊一個小朋友  唔見得人格好得去邊
細路女只係因為鍾意唱歌而去參加巨聲...
巨聲都唔係一個兒戲既地方
佢可以留到今時今日  完全係因為佢實力所在
唔該認真d去對待巨聲呢個節目
唔好睇小一個細路女  
巨聲入面有一句:: 音樂無分年齡
班kai人反省下自已既行為有幾幼稚..!
唔該真係唔好再為d kai原因去反佢啦...
令到巨聲好失色呀!!!
呢班人真係好無聊!!

以上有感而發
完